धनगढी । नेकपा एकीकृत समाजवादी पार्टीको टीकापुर नगर कमिटीको दोस्रो अधिवेशन सम्पन्न भएको छ । अधिवेशनले महेश बुढाको अध्यक्षतामा २१ सदस्यीय नगर कमिटी सर्वसम्मत चयन गरेको छ । 

एकीकृत समाजवादीका नगर अध्यक्ष रंग अधिकारीको अध्यक्षतामा र पार्टीका कैलाली जिल्ला इन्चार्ज दीर्घ सोडारीको विशेष उपस्थितिमा अधिवेशन भएको हो । 
 
उद्घाटन समारोहमा पार्टीका जिल्ला अध्यक्ष बिमल जोशी, पूर्वजिल्ला अध्यक्ष भैरब रावल, प्रदेश कमिटी सदस्य सुर्यचन्द्र भट्टराई,  जिल्ला कमिटी सदस्य ललित साउँद, जग्दीश्वर पण्डितलगायत नेताहरुले शुभकामना मन्तव्य राखेका थिए ।