धनगढी । धनगढीमा तीन युवक खैरो हेरोइनसहित समातिएका छन् । बिहीबार धनगढी उपमहानगरपालिका-३ शिशा पोष्ट नजिकबाट धनगढी-१३ बस्ने २० वर्षका रमेश राना, कञ्चनपुरको शुक्लाफाँटा नगरपालिका-७ बस्ने २२ वर्षका प्रकाश घरेडी र धनगढी-३ बोराडाँडी बस्ने २९ वर्षका गोविन्द सिहं महरा लागुऔषधसहित पक्राउ परेका हुन् । 

रानालाई १ ग्राम ३८० मिलिग्राम, महरालाई २३० मिलिग्राम लागुऔषध खैरो हेरोइन जस्तो देखिने धुलो पदार्थसहित र घरेडीलाई ३७ ट्याब्लेट नाईट्रापाम नामक लागुऔषधसहित पक्राउ गरिएको प्रदेश प्रहरी कार्यालय धनगढीले जनाएको छ । पक्राउ परेका तीनै जनामाथि थप अनुसन्धान भइरहेको प्रहरीले बताएको छ ।