काठमाडौं । सरकारले फागुन २१ गतेको प्रतिनिधिसभा निर्वाचनलाई लक्षित गर्दै तीन दिन सार्वजनिक बिदा दिएको छ । मंगलबार बसेको मन्त्रिपरिषद्को बैठकले फागुन २०, २१ र २२ गतेलाई सार्वजनिक बिदा दिने निर्णय गरेको हो ।

यसअघि निर्वाचन आयोगले पनि प्रतिनिधिसभा निर्वाचनलाई लक्षित गरेर सार्वजनिक बिदा दिन सरकारलाई सिफारिस गरेको  थियो ।

त्यसअघि फागुन १८ गते पहाड र हिमाली जिल्ला तथा १९ गते तराइका जिल्लामा होली पर्वको बिदा छ । २३ गते भने शनिबार छ । २४ गते नारी दिवसको बिदा छ ।