विराटनगर । हात्तीको आक्रमणबाट एक जना वृद्धको मृत्यु भएको छ । मोरङको सुन्दरहरैँचा नगरपालिका-८ भृकुटी टोलका ७३ वर्षीय हरिप्रसाद घिमिरेको  शुक्रबार राति करिब १२ बजे जंगलबाट निस्किएको हात्तीको आक्रमणबाट मृत्यु भएको हो । 

राति घरबाट निस्किएको अवस्थामा नजिकैको जंगलबाट बच्चासहित आएको माउ हात्तीले आक्रमण गर्दा उनको घटनास्थलमै मृत्यु भएको स्थानीयलाई उद्धृत गर्दै प्रहरीले जनाएको छ ।