काठमाडौँ । प्रेमिकाले धोका दिएको भन्दै एक पुरुषले आफ्नै शरीरमा आगो लगाएका छन् । मोरङको उर्लाबारी नगरपालिका–६ स्थित अन्नपूर्ण खाजा घरमा गएर झापाको दमक नगरपालिका–७ घर भएका ४० वर्षीय विनोद थापाले आफ्नै शरीरमा पेट्रोल छर्किएर आगो लगाएका हुन् । 

थापाको विराट टिचिङ अस्पतालमा उपचार भइरहेको जिल्ला प्रहरी कार्यालय मोरङका डीएसपी वेदप्रकाश जोशीले बताए । अन्नपूर्ण खाजा घरकी सञ्चालक दमक–३ घर भएकी २८ वर्षीया इन्द्र लिम्बुले आफूलाई धोक दिएको विनोदको आरोप छ । उनीहरू दुवैजना विवाहित हुन् । प्रहरीले इन्द्रलाई सोधपुछ गरेर परिवारको जिम्मा लगाएको जनाएको छ ।