धनगढी । डोटीमा एक घरमा आगलागी भएको छ । जिल्लाको बडिकेदार गाउँपालिका–२ पातलपुरान बस्ने सरीता घर्ती मगरको ढुङ्गा, माटो र काठले बनेको तथा जस्तापाताले
छाएको एक तले घरमा आगलागी भएको हो । 

प्रदेश प्रहरी कार्यालयका अनुसार बच्चाले आगो ताप्ने क्रममा आगलागी हुँदा घरभित्र रहेको खाद्यान्न, लत्ता कपडा, भाडा, फर्निचर लगायतका सामान जलेका छन् । दुई लाख बराबरको धनमाल जलेर नष्ट भएको प्रहरीले जनाएको छ ।