धनगढी । कञ्चनपुरमा दुई जना फरार प्रतिवादी पक्राउ परेका छन् । लागुऔषध मुद्दामा ९ महिना ९ दिन कैद तोकिएका भीमदत्त नगरपालिका-२ उल्टाखाम बस्ने ३४ वर्षका हरीश बोहरा र सोही मुद्दामा २ महिना ७ दिन कैद सजाय तोकिएका बेलौरी नगरपालिका-६ हात्तिबोझा बस्ने २७ वर्षका वीरेन्द्र बडायक पक्राउ परेका हुन् । 

जिल्ला अदालत कञ्चनपुरको फैसलाले कैद सजाय ठहर भई फरार उनीहरुलाई मंगलबार जिल्ला प्रहरी कार्यालय कञ्चनपुर तथा मातहत कार्यालयबाट खटिएको प्रहरी टोलीले पक्राउ गरेको जनाएको छ ।