धनगढी । बाजुरामा बसले ठक्कर दिँदा एक बालिकाको मृत्यु भएको छ । बसको ठक्करबाट बुढीगंगा नगरपालिका – ८ का कुल ल्वारका ४ वर्षीय छोरा निशु ल्वारको मृत्यु भएको जिल्ला प्रहरी कार्यालय बाजुराले जनाएको छ । 

बालकको घटनास्थलमा नै मृत्यु भएको प्रहरीले बताएको छ । घटनापछि बस चालक र बसलाई प्रहरीले नियन्त्रणमा लिएको छ । बिहीबार दिउँसो सदरमुकाम मार्तडीबाट महेन्द्रनगर जाँदै गरेको  सु.प.प्र. ०१–००१–१०२० नम्बरको बसले साँफे–मार्तडी राजमार्गअन्तरगत बेतालमाण्डौमा बालकलाई ठक्कर दिएको हो ।