धनगढी । कैलालीमा लागुऔषधसहित चार जना पक्राउ परेका छन् । शुक्रबार साँझ टीकापुर नगरपालिका-७ जटाशंकर घाटबाट टीकापुर-१ बस्ने २१ वर्षीय किरण तिमिल्सिनासहित ३ जना पक्राउ परेका हुन् ।
उनीहरुलाई ४ ग्राम १८० मिलिग्राम लागुऔषध खैरो हेरोइन जस्तो देखिने धुलो पदार्थ र स्पास्मो क्यापसुल ५४३ पिससहित सशस्त्र प्रहरी बल नेपाल बिओपी कालाकुण्डा कैलालीको टोलीले नियन्त्रणमा लिई आवश्यक कारबाहीको लागि इलाका प्रहरी कार्यालय टीकापुर कैलालीमा बुझाएको जनाएको छ ।
त्यस्तै, हिजो राति धनगढी उपमहानगरपालिका-८ पुरानो वडा कार्यालय नजिकबाट धनगढी-६ उत्तरबेहडी बस्ने २१ वर्षीय दिनेश भट्टलाई २३० मिलिग्राम लागुऔषध खैरो हेरोइन जस्तो देखिने धुलो पदार्थसहित जिल्ला प्रहरी कार्यालय कैलालीको टोलीले नियन्त्रणमा लिएको बतएको छ ।
पक्राउ परेका चारै जनामाथि थप अनुसन्धान भइरहेको प्रहरीले जनाएको छ ।
प्रतिक्रिया