धनगढी । धनगढीमा भाइले कैँची प्रहार गर्दा दाइको मृत्यु भएको छ । धनगढी उपमहानगरपालिका-१७ दीपनगर टोलका ३५ वर्षीय लालबहादुर बोहराको आफ्नै भाइले कैँची प्रहार गर्दा गएराति मृत्यु भएको हो । 

घरायसी विवादका क्रममा मृतक लालबहादुरका ३० वर्षीय भाइ प्रकाश बोहराले शनिबार राति उनीमाथि कैँची प्रहार गरेका जिल्ला प्रहरी कार्यालयका सहायक प्रवक्ता प्रहरी निरीक्षक दर्शन खड्काले बताए । घाँटीमा कैँची प्रहार गरिँदा गम्भीर घाइते भएका लालबहादुरलाई राति नै धनगढीको निसर्ग अस्पताल पुगाइएकोमा उपचारका क्रममा मृत्यु भएको उनले बताए । 

बोहराको शव पोष्टमार्टमका लागि सेती प्रादेशिक अस्पतालमा राखिएको र प्रकाशलाई पक्राउ गरिएको प्रहरीले बताएको छ ।