काठमाडौँ । धनुषाको धनुषाधाम नगरपालिका-५ पर्वताकी २९ वर्षीया संगीता ठाकुरको हत्या भएको छ । संगीताका श्रीमान ३३ वर्षीय देवलाल ठाकुरले शनिबार राति २ बजे उनको हत्या गरेको जिल्ला प्रहरी कार्यालय धनुषाका प्रवक्ता डीएसपी बरुणबहादुर सिंहले जानकारी दिए । 

घरायसी विवाद हुँदा देवलालले ढोकामा लगाउने आग्लोले हानेर श्रीमतीको हत्या गरेको प्रारम्भिक अनुसन्धानबाट खुलेको डीएसपी सिंहले बतााए । देवलाललाई पक्राउ गरेर थप अनुसन्धान गरिरहेको प्रहरीले जनाएको छ ।