धनगढी । डोटीमा एक गर्भवतीको हेलीकोप्टमार्फत उद्धार गरिएको छ । आइतबार बिहान १०:३० बजेको समयमा बडीकेदार गाउँपालिका-५ केदारमाण्डौ बस्ने २३ वर्षकी बिस्नादेवी पुन मगरको हेलीकोप्टमार्फत उद्धार गरिएको हो । 

व्यथाले च्यापेर सुत्केरी हुन नसकी अचेत अवस्थामा रहेकी उनको स्थानीय सामुदायिक स्वास्थ्य इकाइ सिडिखेतमा उपचार भइरहेको जानकारी जिल्ला प्रशासन कार्यालय डोटीमा प्राप्त हुनासाथ नेपाली सेनाको हेलीकोप्टरबाट कर्णाली प्रादेशिक अस्पताल सुर्खेत पुर्‍याइएको डोटी प्रहरीले बताएको छ ।