धनगढी । घेच्कट्वा गोतियार थारू समुदायको छैठौ गोतियार सम्मेलन कैलालीको गोदावरी-७, हरैयामा सम्पन्न भएको छ । कञ्चनपुर, कैलाली, बर्दिया, बाँके र दाङ जिल्लामा रहेका घेच्कट्वा गणेश घेच्कट्वाको अध्यक्षतामा सम्पन्न समेलनमा केन्द्रीय अध्यक्ष वाशुदेव घेच्कट्वा प्रमुख अतिथि थिए । 

सम्मेलनमा विभिन्न सांस्कृतिक प्रस्तुतिसहित विभिन्न कार्यक्रम सञ्चालन गरिएको थियो । शनिबार भएको सम्मेलनमा केन्द्रीय सचिव सरोज घेच्कट्वाले घेच्कट्वा कुलको विषयमा चर्चा गरेका थिए । सम्मेलनमा दाङबाट ६ गाउँका ६३, बाँकेबाट ५ गाउँका २५, कैलालीबाट ५ गाउँका ३६ घरधुरी, बर्दियाबाट २ गाउँका ४ र कञ्चनपुरबाट ३ गाउँबाट ६ घरपरिवारको उपस्थिति रहेको तिलक घेच्कट्वाले बताए ।  

लक्ष्मी घेच्कट्वाले सञ्चालन गरेको कार्यक्रममा भीमबहादुर घेच्कट्वाले स्वागत गरेका थिए । घेच्कट्वा थारूको पहिलो सम्मेलन बाँकेको राप्ती सोनारी गाउँपालिकामा भएको थियो ।