धनगढी । कैलालीमा छाउगोठमा सुतेकी महिलामाथि बाघले आक्रमण गरेको छ । मोहन्याल गाउँपालिका-७ की ४५ वर्षीय सरस्वती बिटालुमाथि छाउगोठमा सुतिरहेको अवस्थामा आइतबार राति बाघले आक्रमण गरेको प्रहरीले बताएको छ । 

घर नजिकै छाउगोठमा सुतिरहेकी बिटालुलाई बाघले आक्रमण गरेको र उनको स्थानीय मेडिकलमा उपचारमा भइरहेको जिल्ला प्रहरी कार्यालयका प्रवक्ता प्रहरी नायब उपरीक्षक कबिन्द्रसिंह बोहराले बताए । उनको स्वास्थ्य अवस्था भने सामान्य रहेको बताइएको छ ।