धनगढी । ‘दिन पुगोस्, खान पुगोस्’ अभियान अन्तर्गत धनगढी उपमहानगरपालिका-११ मा रहेको दक्षिणकाली बहिरा आवासीय आधारभूत विद्यालयमा न्यानो लुगा र कम्बल सहयोग गरिएको छ । सो विद्यालयमा अध्यायनरत विद्यार्थीहरुका लागि प्रधानाध्यापक सिताराम चौधरीलाई स्विटर, टोपी तथा कम्बल हस्तान्तरण गरिएको हो । 

धनगढीका युवा व्यवसायी घनश्याम भट्ट नेतृत्वको टोलीलले मंसिर १५ गतेबाट सुरु गरेको उक्त अभियानले हालसम्म विपन्न तथा आश्रित नागरिकलाई कम्बलका साथै विभिन्न विद्यालयमा अध्ययनरत विद्यार्थीहरुलाई न्यानो कपडा वितरण गरिरहेको छ । जाडो अवधिभर अति विपन्न परिवारलाई लक्षित गरी न्यानो कपडा वितरण अभियान जारी रहने भट्टले बताए ।