बैतडी । मोटरसाइकल दुर्घटनामा परेर गम्भीर घाइते भएका बैतडीका एक युवकको मृत्यु भएको छ । प्रहरीका अनुसार दोगडाकेदार गाउँपालिका–२ का २१ वर्षीय विनोद महराको उपचारका क्रममा आइतबार साँझ मृत्यु भएको हो । 

गत शुक्रबार राति धनगढी उपमहानगरपालिका–१ स्थित छ लेन सडकमा महराले चलाएको सुपप्र ०१–०१२ प २२३६ नम्बरको मोटरसाइकल अनियन्त्रित भएर  दुर्घटना भएको थियो । उनको मायामेट्रो अस्पताल धनगढीमा उपचारका क्रममा मृत्यु भएको जिल्ला प्रहरी कार्यालय कैलालीले बताएको छ । 

दुर्घटनामा मोटरसाइकल पछाडि सवार बैतडीकै दशरथचन्द नगरपालिका-७ का २० वर्षीय केशव शर्मा पनि घाइते भएका छन् । शर्माको मायामेट्रो अस्पतालमै उपचार भइरहेको छ ।