गुल्मी । गुल्मीमा ट्याक्टरको ठक्करबाट चार वर्षीय बालक गम्भीर घाइते भएका छन् । रेसुङ्गा नगरपालिका-८ स्थित बसपार्कमा लु३ख ७७८५ नम्बरको ट्याक्टरले ठक्कर दिँदा धुर्कोट गाउँपालिका-४ का चार वर्षीय बालक आदित्य मुखिया घाइते भएका हुन् । 

घाइते बालकको गुल्मी अस्पतालमा उपचार भइरहेको र अवस्था गम्भीर रहेको गुल्मी प्रहरीले बताएको छ । ट्याक्टर चालकलाई नियन्त्रणमा लिएर अनुसन्धान भइरहेको प्रहरीले जनाएको छ ।