धनगढी । धनगढीमा आयोजना हुन गइरहेको अर्जुन ट्रफी राष्ट्रिय क्रिकेट प्रतियोगिताका लागि धनगढी उपमहानगरपालिकाले बस सेवा सञ्चालन गर्ने भएको छ । उपमहानगरले अर्जुन ट्रफीको अवधिभर फाप्ला अन्तर्राष्ट्रिय क्रिकेट मैदानसम्म बस सेवा सञ्चालन गर्ने भएको हो । 

प्रतियोगिता हेर्न जानेहरुको सहजताका लागि सहुलियत दरमा बस सेवा सञ्चालन गर्न लागेको उपमहानगरपालिकाले जनाएको छ । जसअनुसार धनगढीको क्याम्पस रोडदेखि मुख्य सडक भएर एउटा रुटमा र क्याम्पसचोकदेखि नै मुख्य सडक बाहिरी क्षेत्र भएर अर्को रुटमा नगर बसले फाप्लासम्म सेवा दिनेछ । 

धनगढीमा यही माघ १९ गतेदेखि २८ गतेसम्म अर्जुन ट्रफी राष्ट्रिय क्रिकेट प्रतियोगिता सञ्चालन हुँदैछ ।