लमजुङ । लमजुङमा ट्याक्टर दुर्घटना हुँदा एक जनाको मृत्यु भएको छ । दोर्दी गाउँपालिका-५, पाचोक क्षेत्रस्थित कैंची जंगलको कच्ची सडकमा ट्याक्टर दुर्घटना हुँदा तनहुँको भानु नगरपालिका ९, बाइसजाँगरका अन्दाजी २७ वर्षीय किरण गुरुङको घटनास्थलमै मृत्यु भएको प्रहरीले जनाएको छ ।

कैंची गाउँको कैंची डाँडाबाट काठदाउरा लिनको लागि चाँदी डाँडा जाँदै गरेको ग१त ५२७६ नम्बरको ट्याक्टर मंगलबार बिहान दुर्घटना भएको थियो । जिल्ला प्रहरी प्रमुख डिएसपी निशान्त श्रीवास्तवले घटनास्थलमा प्रहरी निरीक्षकसहितको टोली पुगेर आवश्यक अनुसन्धान प्रक्रिया अघि बढाएको बताए ।

उनले शवलाई पोष्टमार्टमको लागि बेंसीसहरस्थित जिल्ला अस्पताल ल्याउने तयारी गरिएको बताए ।