धनगढी, २१ माघ । कैलाली उद्योग वाणिज्य संघले खो–खो खेलको विश्व उपविजेता नेपाली खेलाडीहरूलाई सम्मान गरेको छ । कैलाली उद्योग वाणिज्य संघका अध्यक्ष पुष्पराज कुँवरले सोमबार एक कार्यक्रमका बीच धनगढीमा खेलाडीहरुलाई सम्मान गरेका हुन् । 

प्रतियोगिताका खेलाडीहरूलाई  प्रमाणपत्र र नगद २५ हजारसहित सम्मान गरेको संघका सचिव सुरेशराज पाण्डेले जानकारी दिए । भारतको राजधानी नयाँ दिल्लीमा जनवरी १३ देखी १९ तारिकसम्म भएको खो खो खेलमा नेपाली टिमका महिला तथा पुरुष खेलाडीहरू उपविजेता भएका थिए ।

प्रतियोगितामा भारत महिला तथा पुरुषतर्फ विजेता बनेको थियो भने पुरुषतर्फ इरान, महिलातर्फ युगान्डा र साउथ अफ्रिका तेस्रो भएका थिए ।

उक्त प्रतियोगितामा पुरुषतर्फ २० र महिलातर्फ १९ देशको सहभागिता रहेको थियो । नेपालमा १९९० पछि खो–खो खेल खेल्न सुरू भएको हो ।