धनगढी । कञ्चनपुरको भीमदत्त नगरपालिका–६ मा मतदान जारी छ । बिहान ७ बजेदेखि मतदान सुरु भएकोमा अहिले २ बजेसम्म झण्डै दुई हजार मत खसेको छ । 

प्रदेश निर्वाचन कार्यालयले दिएको जानकारीअनुसार २ बजेसम्म एक हजार ८ सय ९० मत खसकेको हो । भीमदत्त –६ मा पाँच हजार चार सय ३४ मतदाता छन् । 

वडा अध्यक्ष पदका लागि १२ जना उम्मेदवार चुनावी मैदानमा छन् । कांग्रेसबाट प्रकाश चन्द, एमालेबाट बहादुर चन्द, माओवादीबाट नानाराम कोली, राष्ट्रिय स्वतन्त्र पार्टीबाट रामदत्त भट्ट, राप्रपाबाट सुशिलकुमार भट्ट, जनमत पार्टीबाट यादवबहादुर चन्द, एकीकृत समाजवादीबाट जितेन्द्रबहादुर चन्द, नागरिक उन्मुक्ति पार्टीबाट हरिष डगौरा, नेपाल मजदुर किसान पार्टीबाट दलबहादुर बोहरा, राप्रपा नेपालबाट दिलबहादुर धामी, स्वतन्त्रबाट युवराज चन्द र स्वतन्त्रबाट थानेश्वर लेखक उम्मेदवार छन् ।

०७९ सालको निर्वाचनमा त्यहाँ काँग्रेस विजयी भएको थियो ।