ट्रेन्डिङ

ट्रेन्डिङ समाचार

ताजा अपडेट

२४ घण्टाका ताजा अपडेट

चन्दले सम्हाले कैलाली प्रहरीको नेतृत्व

आइतबार १५, भदौ २०८२ ०४:२४

धनगढी । जिल्ला प्रहरी कार्यालय कैलालीको प्रमुखमा सरुवा भएर आएका प्रहरी उपरीक्षक नरेन्द्र चन्दले जिम्मेवारी सम्हालेका छन् । प्रहरी उपरीक्षक चन्द जिल्ला प्रहरी कार्यालयमा आइतबार हाजिर भएका हुन् ।

जिल्ला प्रहरी कार्यालय परिसरमा उनलाई प्रहरी नायब उपरीक्षक राजकुमार सिंहलगायत प्रहरी अधिकृतहरुले स्वागत गरेका थिए । कैलाली कारागार घटनालाई लिएर यसअघिका जिल्ला प्रहरी प्रमुख बालनरसिंह राणालाई प्रहरी प्रधान कार्यालयले फिर्ता बोलाएको थियो ।

एक जना कैदीबन्दीको मृत्यु भएको र ४८ जना घाइते भएको कैलाली कारागार घटनामा सुरक्षा कमजोरी देखिएपछि प्रहरी उपरीक्षक राणाको कैलाली आएको चार महिना नपुग्दै सरुवा भएको थियो । यही घटनालाई लिएर तत्कालीन प्रमुख जिल्ला अधिकारी गोगनबहादुर हमाललाई तानेर गृह मन्त्रालयले कृष्णप्रसाद लम्साललाई प्रमुख जिल्ला अधिकारीका रुपमा पठाएको थियो ।  

प्रतिक्रिया