धनगढी । सशस्त्र प्रहरी बलकी कुस्ती खेलाडी मृत फेला परेकी छन् । आइतबार बिहान नागार्जुन नगरपालिका-४ कम्फर्ट हाउसिङको एक घरमा ती खेलाडी मृत फेला परेकि हुन् ।

जिल्ला प्रहरी परिसर काठमाडौंका अनुसार बैतडी घर भई नागार्जुनमा डेरा गरी बस्दै आएकी २४ वर्षीया भावना चन्द मृत भेटिएकी हुन् ।

उनी झुण्डिएको अवस्थामा फेला परेकी हुन् । शव फेला परेपछि प्रहरीको टोली पुगेर मुचुल्काको काम अघि बढाएर अनुसन्धान भइरहेको प्रहरीले जनाएको छ ।

सशस्त्र प्रहरीको सिपाही पदमा कार्यरत चन्द कुस्ती खेलाडी थिइन् ।