धनगढी । कैलालीमा श्रमजीवी पत्रकार संघ गठन गरिएको छ । आइतबार मीन ठकुरीको अध्यक्षतामा समिति गठन गरिएको हो । 

समितिको उपाध्यक्षमा वीरेन्द्र भट्ट, उपाध्यक्ष (पिछडीएको क्षेत्र)मा अंकुश कुँवर, महिला उपाध्यक्षमा निर्मला शाही, सचिवमा सुरेन्द्र ताम्राकार, सह–सचिवमा धुर्व ओझा, सह–सचिव (समावेशी)मा रञ्जना विसी र कोषाध्यक्षमा पुस्कर पौडेल चयन भएका छन् ।

यस्तै, समितिको सदस्यमा राजकुमार साउँद, शारदा फुलारा, प्रेम चौधरी, शान्तिप्रसाद जोशी, महादेव गिरी, प्रेम तडी र हरिश भट्ट चयन भएका छन् । श्रमजीवी पत्रकारहरुको हकहितका लागि आवाज उठाउने उद्देश्यका साथ गठित समितिले बैठक बसेर विभिन्न निर्णयहरु समेत गरेको छ ।

समितिले अर्धवार्षिक बुलेटिन प्रकाशन गर्ने निर्णय गरेको छ । उक्त बुलेटिनमा जिल्लाका श्रमजीवी पत्रकारहरुले लेखेका समाचार तथा लेखरचनाहरु प्रकाशित गरिने समितिका अध्यक्ष ठकुरीले बताए । उनले उक्त लेखरचना तथा समाचार बुलेटिनमा प्रकाशित गर्दा सो वाफतको हुन आउने रकम सम्बन्धित लेखकलाई प्रदान गरिने बताए ।