धनगढी । कैलालीमा स्कुटर दुर्घटना हुँदा चालक घाइते भएको छन् । गोदावरी नगरपालिका–३ चौकीडाँडामा सुदूरपश्चिम प्रदेश ०१०१२ प ६३९९ नम्बरको स्कुटर आइतबार बेलुका दुर्घटना हुँदा चालक धनगढी उपमहानगरपालिका–३ बस्ने अन्दाजी ४० वर्षीय ललित चन्द घाइते भएका हुन् ।  

उनी सेती प्रादेशिक अस्पताल धनगढीमा उपचारपश्चात घर फर्किसकेका प्रहरीले बताएको छ । स्कुटर अनियन्त्रित भएर पल्टिएको इलाका प्रहरी कार्यालय मालाखेतीले जनाएको छ ।