धनगढी । कैलालीको पूर्वपश्चिम राजमार्ग क्षेत्रमा बिग्रिएका सीसीटिभी क्यामेरा मर्मत गरिएको छ । सुदूरपश्चिम प्रदेश प्रहरी कार्यालय धनगढीका अनुसार नौ थान सीसीटिभी क्यामेरा मर्मत गरी सञ्चालनमा ल्याइएको हो । 

प्राविधिक प्रहरी नायब निरीक्षक इञ्जिनियर महेशराज पन्तको कमाण्डमा खटेको प्रहरी टोलीले सीसीटिभी क्यामेरा मर्मत गरेको कार्यालयले जनाएको छ ।

इलाका प्रहरी कार्यालय चिसापानी र सडकपुर कैलालीको वडा अर्न्तगत पर्ने राजमार्ग र बजार एरियामा जडान गरिएका सीसीटिभी क्यामेराहरु बिग्रिएकामा मर्मतएपछि पुनः सञ्चालनमा आएका प्रहरीले बताएको छ । 

राजमार्गको विभिन्न क्षेत्रमा जडान गरिएका सीसीटिभी क्यामेराको मद्दतमा प्रहरीले सो क्षेत्रमा निगरानी गर्दै आएको छ ।