धनगढी । धनगढी उपमहानगरपालिका१३ बस्ने २१ वर्षका भुवन राना लागुऔषधसहित पक्राउ परेका छन् । सोमबार राति गोदावरी नगरपालिका-५ गेटाबाट उनी १ ग्राम ६२० मिलिग्राम लागुऔषध खैरो हिरोइन जस्तो देखिने धुलो पदार्थसहित पक्राउ परेका हुन् ।  

इलाका प्रहरी कार्यालय मालाखेती कैलाली र लागुऔषध नियन्त्रण व्युरो शाखा धनगढीबाट संयुक्त रुपमा खटिएको प्रहरी टोलीले रानालाई नियन्त्रणमा लिई थप अनुसन्धान भइरहेको बताएको छ ।