बर्दिया । मंगलबार दिउँसो नेपालगन्जबाट राजापुरतर्फ जाँदै गरेको मोटरसाइकल दुर्घटना हुँदा एक जनाको मृत्यु भएको छ । मृत्यु हुनेमा बर्दिया राजापुर नगरपालिका–६ महादेवबलीका २४ वर्षीय टोपेन्द्र बुढा रहेका जिल्ला प्रहरी कार्यालय बर्दियाले बताएको छ । 

प्रहरीका अनुसार मधुवन नगरपालिका–२ हुलाकी राजमार्गस्थित गमक्का मोडमा से १३ प ४३०३ नम्बरको मोटरसाइकल अनियन्त्रित भई दुर्घटना हुँदा गम्भीर घाइते भएका मोटरसाइकल पछाडि सवार बुढाको उपचारको क्रममा बर्दिया अस्पताल गुलरियामा मृत्यु भएको हो ।

दुर्घटनामा बाँके राप्ती सोनारी गाउँपालिका–१ का मोटरसाइकल चालक २४ वर्षीय छत्रबहादुर विष्ट गम्भीर घाइते छन् । उनको जिल्ला अस्पताल बर्दियामा उपचार असम्भव भएपछि बाँके रिफर गरिएको छ ।