धनगढी । धनगढीमा मोटरसाइकल दुर्घटना हुँदा दुई जना घाइते भएका छन् । मंगलबार राति धनगढी उपमहानगरपालिका–५ को पिपलचौतारा नजिकै मोटरसाइकल दुर्घटना हुँदा धनगढी-४ का चालक २५ वर्षीय प्रेम थापा र पछाडि सवार २८ वर्षीय दीपक थापा घाइते भएका हुन् । 

उनीहरुको धनगढीमै उपचार भइरहेको जिल्ला प्रहरी कार्यालय कैलालीले बताएको छ । उनीहरु सवार सुपप्र ०१०१२ प ७४८७ नम्बरको मोटरसाइकल अनियन्त्रित भएर दुर्घटना भएको प्रहरीले बताएको छ ।