धनगढी । कञ्चनपुरको एक पसलमा आगलागी भएको छ । सोमबार राति १०:५५ बजेको समयमा वेदकोट नगरपालिका-३ दैजी चोकस्थित भट्ट किराना पसलमा आगलागी भएको हो ।

वेदकोट-१ बस्ने मदन राज भट्टको उक्त पसलमा विद्युतको तार सर्ट भई आगलागी भएको प्रहरीले बताएको छ । आगलागीबाट पसलका सामानहरु जलेर नष्ट भएको छ भने   क्षतिको विवरण आउन बाँकी छ । 

स्थानीय, प्रहरी र दमकलको सहयोगमा आगलागी नियन्त्रणमा लिई प्रहरीले आवश्यक अनुसन्धान गरिरहेको जनाएको छ ।