धनगढी । डडेल्धुरामा चलिरहेको जिपबाट खसेर बुबाछोरा घाइते भएका छन् । प्रहरीका अनुसार बुधबार राति ११ बजेतिर अजयमेरू गाउँपालिका-२ मा सुपप्र ०४००१ च ०००८ नम्बरको बोलेरो जिपको ढोकाबाट खसेर बैतडीको पाटन नगरपालिका-१ का ५३ वर्षीय गणेश दमाई र उनका ५ वर्षीय छोरा प्रशान्त घाइते भएका हुन् । 

उनीहरू जिप चलिरहेको अवस्थामा अचानक ढोका खुल्दा खसेका र डडेल्धुरा अस्पतालमा उपचारपछि आज १२:५५ बजेको समयमा डिस्चार्ज भएका जिल्ला प्रहरी कार्यालय डडेल्धुराले बताएको छ ।  

जिप चालक पाटन-१ का २० वर्षीय रोशनसिंह बोहरालाई नियन्त्रणमा लिएको छ डडेल्धुरा प्रहरीले जनाएको छ ।