धनगढी । कञ्चनपुरमा एक किलोबढी लागुऔषध चरेससहित एक जना पक्राउ परेका छन् । शनिबार बिहान वेदकोट नगरपालिका–३ सामा दैजीबाट बझाङको बित्थडचिर गाउँपालिका–१ का ४० वर्षीय गमिलाल बोहरा पक्राउ परेका हुन् । 

उनलाई बाटोमा हिँडिरहेको अवस्थामा जाँच गर्दा झोलामा लुकाएको १ किलोग्राम ५८६ ग्राम चरेससहित नियन्त्रणमा लिइएको कञ्चनपुर प्रहरीले बताएको छ । बोहरामाथि थप अनुसन्धान भइरहेको जिल्ला प्रहरी कार्यालयका प्रवक्ता प्रहरी नायब उपरीक्षक उमेशराज जोशीले बताए ।