काठमाडौं । नेपाल प्रिमियर लिग एनपीएलअन्तर्गत आज हुने दोस्रो खेलमा काठमाडौं गुर्खाजले टस जितेको छ । टस जितेसँगै काठमाडौंले फिल्डिङको निर्णय लिँदै सुदूरपश्चिम रोयल्सलाई ब्याटिङको निम्तो दिएको छ ।

काठमाडौंले यसअघि दुई खेल खेलेकोमा एक खेलमा जित र एकमा पराजय व्यहोरेको छ । पहिलो खेलमा चितवन राइनोजसँग ५ विकेटको पराजय व्यहोरेको काठमाडौंले दोस्रो खेलमा कर्णाली याक्सलाई ३ विकेटले पराजित गरेको थियो ।

उता एक खेल खेलेको सुदूरपश्चिमले भने विराटनगर किङ्सलाई ९० रनले पराजित गरेको थियो ।