धनगढी । नरेन साउँदको ५ विकेटमा सुदूरपश्चिम रोयल्सले काठमाडौंलाई ७३ रनले पराजित गरेको छ । युवा बलर साउँदले ५ विकेट लिएपछि सुदूरपश्चिम रोएल्सले नेपाल प्रिमियर लिग एनपीएलमा लगातार दोस्रो जित हात पारेको हो ।

१६८ रनको लक्ष्य पछ्याएको काठमाडौं गुर्खाज १५.५ ओभरमा ९४ रनमै अलआउट भएको हो । नरेन जारी एनपीएलमा एकै खेलमा ५ विकेट लिने दोस्रो बलर तथा पहिलो नेपाली खेलाडी बने ।

यसअघि चितवन राइनोजका पाकिस्तानी बलर सोहल तनविरले काठमान्डु विरुद्ध नै ५ विकेट लिएका थिए ।

नरेन यू–१९ एसिया कप खेलेर हिजो मात्रै काठमाडौं आइपुगेका हुन् ।