धनगढी । नेपाल पत्रकार महासंघ कैलालीको अध्यक्षमा श्रवण देउवा निर्विरोध निर्वाचित भएक छन् । अध्यक्षमा उम्मेदवारी दिएका टंक कुँवरले आफ्नो उम्मेदवारी फिर्ता लिएपछि देउवा निर्विरोध चयन भएका हुन् ।

दुई दशकअघि पत्रकारिता सुरु गरेका देउवाले पत्रिका, रेडियो र टेलिभिजनमा काम गरिसकेका छन् । उनी प्रेस युनियन कैलालीका पूर्वजिल्ला अध्यक्ष पनि हुन् । ०७७ मा पनि पत्रकार महासघको जिल्ला अध्यक्षमा चुनाव लडेका उनी पराजित भएका थिए ।

अध्यक्षमा देउवा निर्वाचित भए पनि अन्य विभिन्न पदमा भने निर्वाचन हुनेछ । यसअघि महिला उपाध्यक्षमा भावना जोशी, सहसचिवमा शंकर बोहरा , सदस्यमा सुधराम चौधरी, टेकसिंह धामी र जगत जैगडी निर्विरोध चयन भएका थिए ।