धनगढी । कैलालीमा शारदा फुटबल लिग हुने भएको छ । जिल्लाको गोदावरी नगरपालिका–८ स्याउलेमा माघ १२ गतेदेखी १६ गतेसम्म सारदा फुटबल लिग हुन लागेको हो ।

स्याउलेमा रहेको शारदा विद्या निकेतनको आयोजनामा सुदूरपश्चिम प्रदेशस्तरिय अन्तर विद्यालय फुटवल प्रतियोगिता आयोजना गर्न लागिएको हो । शारदा विद्या निकेतनका प्रबन्ध निर्देशक रामचन्द्र शाहीले विद्यालयस्तरमा फुटबलको विकास गर्ने उद्देश्यसहित फुटवल प्रतियोगिता आयोजना गर्न लागिएको जानकारी दिए । 

प्रतियोगितामा १२ टिमको सहभागिता रहने शाहीले बताए । विजेताले नगद ५० हजारसहित ट्रफी, मेडल तथा प्रमाणपत्र प्राप्त गर्ने छन् । उपविजेताले नगद २५ हजारसहित ट्रफी, मेडल तथा प्रमाणपत्र पाउने आयोजकले जनाएको छ ।