धनगढी । कैलाली र कञ्चनपुरमा खैरो हिरोइनसहित दुई युवक पक्राउ परेका छन् । शनिबार राति कैलालीको टीकापुर नगरपालिका-९ बालुवाटारबाट जानकी गाउँपालिका-९ पूर्व खैरीफाँटा बस्ने २० वर्षीय निरज जैशी लागुऔषध खैरो हिरोइन जस्तो देखिने धुलो पदार्थसहित पक्राउ परेका हुन् ।  

जैशीले चलाएको से ६ प ९०६३ नम्बरको मोटरसाइकल पछाडि दुवै साइडको इन्डिकेटरभित्र लुकाएको अवस्थामा ७ ग्राम २६० मिलिग्राम लागुऔषध खैरो हिरोइन जस्तो देखिने धुलो पदार्थ फेला पारी इलाका प्रहरी कार्यालय टीकापुरबाट खटिएको टोलीले नियन्त्रणमा लिएको जनाएको छ ।  

त्यसैगरी, कञ्चनपुरको भीमदत्त नगरपालिका-१० सुकासालबाट भीमदत्त-९ ब्रहम्देव बस्ने २५ वर्षीय गगन सिह पाललाई ९० मिलिग्राम खैरो हिरोइन जस्तो देखिने धुलो पदार्थसहित अस्थायी प्रहरी पोष्ट सुकासालबाट खटिएको टोलीले नियन्त्रणमा लिएको बताएको छ । प्रहरीले पक्राउ परेका दुवै जनामाथि थप अनुसन्धान भइरहेको जनाएको छ ।