एजेन्सी । अमेरिकाको लस एन्जलसमा भएको आगलागीमा परी मृत्यु हुनेको सङ्ख्या २४ जना पुगेको छ । नेपाली समयअनुसार आज  बिहानसम्ममा ज्यान गुमाउनेको सङ्ख्या २४ जना पुगेको लस एन्जलस काउन्टीका स्वास्थ्य अधिकारीलाई उद्धृत गर्दै बीबीसीले जनाएको छ । 

क्यालिफोर्नियाका मौसमविद्हरूले यो क्षेत्रमा थप तीव्र हावा चल्ने भएकाले आगलागी अझै फैलन सक्ने चेतावनी दिएका छन् । आगलागीका कारण इटन र पालिसेड्स क्षेत्र बढी प्रभावित भएका छन् ।  

अमेरिकको एक निजी मौसम अनुगमन कम्पनीले आगलागीबाट आर्थिक क्षतिको प्रारम्भिक अनुमान बढाएर २५० देखि २७० अर्ब अमेरिकी डलरसम्म पुर्‍याएको छ ।