धनगढी । कैलालीमा मोटरसाइकल दुर्घटना हुँदा एकजनाको मृत्यु भएको छ । जिल्लाको घोडाघोडी नगरपालिका–१ डोडापुलस्थित सडकमा से ३ प ७६७३ नम्बरको मोटरसाइकल दुर्घटना हुँदा सोही नगरपालिका–३ जुरपानी बस्ने २४ वर्षीय अनिल चौधरीको मृत्यु भएको छ ।

दुर्घटनामा गम्भीर घाइते भएका उनको घोडाघोडी अस्पताल सुख्खडमा उपचारको क्रममा मृत्यु भएको हो । उनी मोटरसाइकलमा सवार थिए । 

मोटरसाइकल चालक घोडाघोडी नगरपालिका–४ का ३५ वर्षीय रोहित चौधरी घाइते भएका छन् । रोहितलाई थप उपचारको लागि निसर्ग अस्पताल धनगढी रेफर गरिएको प्रहरीले जानकारी दिएको छ ।