धनगढी । अछाममा आगलागीबाट एक घर जलेर नष्ट भएको छ । प्रहरीका अनुसार जिल्लाको ढकारी गाउँपालिका-६ मालुमेलाका मने बुढाको घरमा शुक्रबार बिहान आगलागी भएको हो । 

खाना पकाउनका लागि चुलोमा बालिएको आगो नजिकै राखिएका लुगामा सल्किँदा आगलागी भएको जिल्ला प्रहरी कार्यालय अछामले बताएको छ । आगलागीबाट नगद ५५ हजार रुपैयाँसहित बुढाले पालेका २ वटा बाख्रा र ३ कुखुरा समेत मरेको बताइएको छ । आगलागी प्रहरी र स्थानीयको सहयोगमा नियन्त्रणमा लिइएको प्रहरीले बताएको छ ।