तनहुँ । पृथ्वीराजमार्गअन्तर्गत तनहुँको व्यास नगरपालिका-१२ बेलभन्ज्याङमा मोटरसाइकल दुर्घटना हुँदा दुई जनाको मृत्यु भएको छ । मंगलबार बिहान गण्डकी प्रदेश ०३–००१ प ०३१० नम्बरको मोटरसाइकल अनियन्त्रित भई सडकबाट खस्दा सवार दुई जनाको मृत्यु भएको हो । 

दमौलीबाट डुम्रेतर्फ जाँदै गरेको सो मोटरसाइकल हुस्सुका कारण अनियन्त्रित भई दुर्घटना भएको हुनसक्ने प्रहरीले बताएको छ । घटनास्थलमै मृत्यु भएका दुवै जनाको पहिचान खुल्न बाँकी रहेको जिल्ला प्रहरी कार्यालयका प्रहरी नायब उपरीक्षक अशोक थापाले बताए ।