दाङ । दाङमा घरको छतबाट खसेर एक युवकको मृत्यु भएको छ । तुलसीपुर उपमहानगरपालिका–७ नवरपुरका अन्दाजी २७ वर्षीय सन्तोष चौधरीको घरको छतबाट खसेर मृत्यु भएको प्रहरीले बताएको छ । 

तुलसीपुर–४ बनहरीस्थित घरको दुई तला माथिबाट खसेर गम्भीर घाइते भएका उनको राप्ती प्रादेशिक अस्पताल तुलसीपुरमा उपचारका क्रममा मृत्यु भएको इलाका प्रहरी कार्यालय तुलसीपुरका प्रहरी निरीक्षक विनोदराज खत्रीले बताए ।