अर्घाखाँची । अर्घाखाँचीको सन्धिखर्क नगरपालिका १ नम्बर वडाले हलगोरु पाल्ने किसानलाई सम्मान गरेको छ । वडाले पाँच हजार नगदसहित गोरु पाल्ने किसानहरूलाई सम्मान गरेको हो ।

गोरु पाल्ने क्रम घट्दा जग्गा बाँझो रहन थालेपछि किसानलाई राहत र प्रोत्साहन हुने उद्देश्यले प्रोत्साहन रकम प्रदान गरेको वडाध्यक्ष माधव श्रेष्ठले बताए । उनका अनुसार पहिलो चरणमा १८ जनालाई पाँच हजार रुपैयाँका दरले प्रोत्साहन रकम प्रदान गरिएको छ ।