धनगढी । बझाङमा मोटरसाइकलको ठक्करबाट पैदलयात्री घाइते भएका छन् । थलारा गाउँपालिका‑६ का जनक थापाले चलाएको सुदूरपश्चिम प्रदेश ०४००१ ब १०४ नम्बरको मोटरसाइकलले दुर्गाथली–२ मौरिबगड नजिक सिमागाउँका अन्दाजी ५० वर्षीय यज्ञ विष्टलाई सोमबार ठक्कर दिएको हो ।  

मोटरसाइकलको ठक्करबाट घाइते भएका उनलाई डडेल्धुरा अस्पतालमा सामान्य उपचारपछि धनगढी रिफर गरिएको जिल्ला प्रहरी कार्यालय बझाङले जनाएको छ ।