धनगढी । नेपाली राष्ट्रिय क्रिकेट टोलीका सदस्य ललीत राजवंशीले अर्जुन ट्रफी राष्ट्रिय क्रिकेट प्रतियोगिता धनगढीबाट खेल्ने भएका छन् । ललीतले क्रिकेटको सहर धनगढीमा माघ १९ गतेदेखि २८ गतेसम्म आयोजना हुने अर्जुन ट्रफी राष्ट्रिय क्रिकेट प्रतियोगितामा डीसीए धनगढीबाट खेल्ने भएका हुन् । 

एनपीएलको पहिलो उपाधि जनकपुर बोल्टलाई जिताउने क्रममा उनले सानदार प्रदर्शन गरेका थिए । 

गो ड्रिमर्सको आयोजनामा यसवर्षदेखि नेपाल क्रिकेट संघको वार्षिक क्यालेण्डरमा समावेश भएको प्रतियोगिताका सबै खेलका टिकटहरु खल्ती एपबाट काट्न सकिन्छ । प्रतियोगिताको विजेताले नगद १० लाख र उपविजेताले नगद पाँच लाख सहित ट्रफी पाउनेछन् । प्रतियोगितामा देशभरका ८ वटा क्लबका टीमहरुको सहभागीता रहने छ ।