धनगढी । कैलालीको टिकापुरतर्फ आउँदै गरेको बस दुर्घटना भएको छ । जुम्लाको कालीकोटबाट टीकापुर आइरहेको ना ४ ख ६०५६ नम्बरको बस दैलेखको आठबिस नगरपालिका–३ दुइसिस्ने भन्ने ठाउँमा दुर्घटना भएको हो । 

दुर्घटनामा परेर घाइते भएकामध्ये ८ जनाको उद्धार गरेर स्थानीय अस्पताल पठाइएको जिल्ला प्रहरी कार्यालय दैलेखले जनाएको छ । अन्य यात्रुहरू सामान्य घाइते भएका छन् । दुर्घटनाको कारण खुलिसकेको छैन ।