डडेल्धुरा । नेपाली कांग्रेसका महामन्त्री गगन थापा सुदूरपश्चिमको धार्मिक भ्रमणमा निस्किएका छन् । उनी सवार हेलिकोप्टर बिहीबार डडेल्धुराको प्रसिद्ध शक्तिपीठ उग्रतारमा अवतरण भएको थियो । 

आज बिहानै पार्टी सभापति शेरबहादुर देउवाको गृहजिल्ला पुगेका थापाको भ्रमण विशुद्ध धार्मिक भएको नेपाली कांग्रेस डडेल्धुराका सचिव शेरबहादुर भण्डारीले बताए ।  

उनी उग्रतारासँगै बैतडीको त्रिपुराशुन्दरी र बाजुराको बडीमालिका पनि पुग्ने बताइएको छ । थापाको यो व्यक्तिगत धार्मिक भ्रमण रहेको र डडेल्धुरामा कुनै राजनीतिक भेटघाट नगरिएको बताइएको छ ।