धनगढी । कैलालीको चिसापानी र मालाखेतीबाट प्रहरीले लागुऔषधसहित तीन जनालाई पक्राउ गरेको छ ।

इलाका प्रहरी कार्यालय मालाखेती र लागुऔषध नियन्त्रण ब्युरो शाखा धनगढीबाट खटिएको संयुक्त प्रहरी टोलीले  गोदावरी नगरपालिका-८, फकलपुरबाट स्थानीय ३५ वर्षका निर्मल चौधरीलाई पक्राउ गरेको छ । संकाको आधारमा चेकजाँच गर्दा चौधरीको साथबाट १.५० मिलिग्राम लागुऔषध खैरो हेरोइन बरामद गरिएको जिल्ला प्रहरी कार्यालयले जनाएको छ ।

त्यस्तै लम्की-चुहा नगरपालिकाको चिसापानीबाट कालिकोट जिल्लाको पचालझरना गाउँपालिका-६, बस्ने २८ वर्षका अर्जुन बुढा र २७ वर्षका बिरेन्द्र बुढा लागुऔषधसहित पक्राउ परेका छन् ।

उनीहरुको साथबाट झोलामा लुकाइ राखेको अवस्थामा २ किलो ७५ ग्राम लागुऔषध चरेस बरामद गरिएको प्रहरी नायब उपरीक्षक कबिन्द्रसिंह बोहराले जानकारी दिए ।