धनगढी । बैतडीको पुर्चौडी बहुमुखी क्याम्पसमा भएको स्ववियु निर्वाचनमा नेविसंघ विजयी भएको छ । क्याम्पसको स्ववियु सभापतिमा नेविसंघकी उत्तरा महरा विजयी भएकी हुन् । 

महरा ११९ मत ल्याएर विजयी भएकी हुन् । उनका प्रतिस्पर्धी अनेरास्ववियुका विष्णुदत्त अवस्थीले १०३ मत प्राप्त गरे । अखिल क्रान्तिकारीकी सभापतिकी उम्मेदवार गीता भण्डारीले ९३ मत प्राप्त गरिन् । ५ गतेका लागि तोकिएको निर्वाचन विवादका कारण ६ गते मात्रै भएको थियो । 

यस्तै सचिवमा नेविसंघका सन्दिप भण्डारी ११७ मत ल्याएर निर्वाचित भएका छन् भने उनका प्रतिस्पर्धी अनेरास्ववियुकी लक्ष्मी अवस्थीले ११६ मत ल्याइन् । अखिल क्रान्तिकारीका सचिव पदका उम्मेदवार कमल कुँवरले ८४ मत प्राप्त गरे । 

कोषाध्यक्षमा अनेरास्ववियुकी बबिता साउँद १०५ मत ल्याएर निर्वाचित भएकी छन् । उनका प्रतिस्पर्धी नेविसंघकी भागरथी जोशीले १०३ मत प्राप्त गरिन् । अखिल क्रान्तिकारीकी उम्मेदवार अलिशाकुमारी भट्टले ८३ मत प्राप्त गरिन् । 

५५७ जना विद्यार्थी मतदाता रहेको क्याम्पसमा ३३० जनाले मतदान गरेका थिए । ५ गतेका लागि तोकिएको निर्वाचन विवादका कारण ६ गते मात्रै भएको थियो ।