धनगढी । कैलालीको गेटा अस्पतालको निर्देशकमा वरिष्ठ कन्सलटेन्ट डा. प्रमोदकुमार यादवलाई नियुक्त गरिएको छ । स्वास्थ्य तथा जनसंख्या मन्त्रालयले यादवलाई निर्देशकमा नियुक्त गरेको हो ।

डा. अशोक श्रीपाइलीले निर्देशकबाट राजीनामा दिएपछि केही समययता उक्त पद रिक्त थियो । यसअघि ट्रमा सेन्टरको निर्देशक रहिसकेका यादवलाई मन्त्रालयको सचिवस्तरीय निर्णयका आधारमा जिम्मेवारी प्रदान गरिएको हो । 

यसअघि डा. यादवले जनकपुर प्रादेशिक अस्पतालमा समेत निर्देशकको रुपमा जिम्मेवारी निर्वाह गरिसकेका छन् । 

छ सय शय्याको अस्पताल र चिकित्सा शिक्षा अध्यापनका लागि गेटामा झण्डै सात करोडका संरचना बनाइएको छ । तर, त्यहाँ अहिले ५० शय्याको अस्पताल मात्रै सञ्चालनमा छ ।